Despois de ver o logo de http://www.windspain.net apeteceume poñerlle un vinilo ó remolque. Igual algún día me animo 😉
Logo no remolque
Responder
Arquivo da categoría: Windsurf
Reenganche
Despois de moitos meses sen navegar, por fin conseguín que todo se conxuntase. Planteime no Esteiro, mirando a Barraña, para aproveitar un norte que soplaba máis do que parecía, aparte de ser moi racheado.
7,5 metros de vela, por se acaso. A táboa correspondente :111 e a aleta habitual: 38. Métome na auga dubidando se todabía sei planear. O ir pasado ten certas vantaxes. Levanto vela e… hop, beach start sen problemas, dous segundos e me engancho 3 segundos mais e pes nos straps. COMO ME GUSTA PLANEAR. Perdón.
Pois iso. Planeando sen problemas e con moita variabilidade do vento. Tirándome ó largo para aguantar o planeo, uns segundos despois cinguindo a saco para non esnafrarme, suma e segue ate escarabote. Xa esgotado, descanso un pouco e poño a botavara no ollao de abaixo, con idea de que non me de tanta caña.
Intento fallido.
Fago un par de bordos moi moi pasado e despois volto á praia. A volta tivo o seu aquel. Como non me atrevía a poñerme ó largo enganchado, alá me tirei sen arnes nen cinchas. Sorprendentemente, recorrín como 200 metros sen caer, medio sufeando as ondas. Ó ir a favor do vento, aguantar a vela non supoñía un esforzo tan grande e a sensación foi moi boa.
Chegado á praia, dubido un rato se baixar metros ou marchar para non comprometer o axustado horario da tarde. Como solución de compromiso, volto a saír co mesmo material. Outro par de bordos cinguindo a saco e volto á praia coa mesma estratexia. Sae case igual de ben, inda que esta vez caio contra o final. Pouca cousa.
Agora si. Recollo e a casiña que todavía hai moito que facer pola tarde 😉
Muxía incordiando.
Repetín na praia de Lago, pero esta vez a predicción era de que o vento ía vaixar.
Saín con 65, 111 e 38 de aleta, e dín dúas planeadas boas, pero xa se vía que facía falla máis. Metín 7,5 moi tensa e o mesmo. Voltei á praia a abrir, pero xa non conseguín mais que flotar, así que para casiña.
Primeira cita.
Tiven unhas vacacións un tanto accidentadas, tocoume ir a traballar no medio das mesmas. Como resultado quedaronme dous días soltos que puiden coller libres. Decidín tomar este luns de setembro como último día de vacacións e disfrutar tranquilamente do wind.
Claramente orientado ás rias baixas dende que comecei co windsurf, para se exacto so Arousa e Vigo, non me plantexara desprazarme a puntos “lonxanos e perigosos” das rias altas.
Unha mensaxe nun foro (Grazas Naish72 e Neira) sobre a praia dos Muíños e a cercana de Lago, na ría de Camariñas, fíxome revisar as miñas opcións habituais. A fin de contas, chegar a Corrubedo dende Santiago leva practicamente o mesmo que chegar a Lago, sobre todo co remolque que obriga a reducir a velocidade en autopista, pero non tanto en estrada convencional.
As condicións en Arousa parecían inestabeis e con poco vento. A predicción de Meteogalicia reflectía claramente a condición de desventada con Nordés que ten a praia. Uns 6 nos de diferencia. 15 na praia e 21 no centro da Ría. Era unha promesa bastante máis sustanciosa que o que se vía para Rianxo, as Cunchas, Probra (inda que ó final navegaron ben)
Con todo este conxunto, arranquei cara a Muxía e cheguei á Praia de Lago. Coordenadas 43.105315, -9.164819
Os aparcamentos na estrada son bastante xeitosos, pero pertencen os bares e o camping, e engaden mais traxecto cargando co material. A entrada ate pe de praia está entre os dous bares con un prohibido o paso que quixen entender que afecta á pista da esquerda. A pista parece dificil de transitar cando haxa auga, pero hoxe o meu mini bus puido con ela. Compre dicir que antes de meterme fixen un recoñecemento a pe para asegurarme de que non ia quedar atrancado.;-)
A praia ten voas vistas, e un luns de setembro pola mañán estaba de todo menos concurrida.
Xa viñan sendo as 11:00 así que un café e un acuarius na terraza antes de poñerse a elo.
O paseo pola praia non foi moi revelador que se diga. Estaba claro que había bastante máis vento no medio da ría que no punto de partida, así que decidín tomar como base o vendo da praia e montar Starboard Futura 111, Severne Gator 7,5, MFC SL 38. Planeo rápido e nun plis estou con demasiado chopy e vela bordo de ida e de volta. Penso un pouco na praia, saio outra vez e a “medio camiño” xa vexo claro que hai que vaixar.
Saio de novo con Lorch glider 105, jp 32 e Severne Gator 6,5. Moi ben. Sobre todo ó principio, despois seguiu subindo e xa se puxo un tanto salvaxe, moi moi racheado. Unha boa malleira. O único intento de trasluchar foi de coña. Cumprido o meu tempo, tirei para casiña con calma.
O Lugar é bo para facer wind. Cero pedras, Cero algas, Vento posiblemente en días en que o nordés non chega a Arousa… como contras, está máis lonxe da auga que outros, como haxa alguén na praia vas de craneo para entrar, e a saída está moi desventada, co que voltar a cambiar o material é moi lento e pesado. A distancia a Santiago é similar a outras, pero é un traxecto máis barato pola velocidade cercana a 90 e por non ter autopista que pagar.
Seguro que volto 😉
Catía visto e non visto
Estaba perfecta para 6.5 105 e 32 de aleta. De feito tiven que tensar un pelin, pero so durou unha hora. As 10:30 Sandá, Petrus e un servidor a recoller.